اليوم يومك
أول
تحـول و اليـوم يومك لا تترجانـي ولاتقول ياليت
أنا اليـوم أبي أشوف دمعك أبيك تندم على كل ماسويت
لازم تبكي دم اليـوم يومك أبد مـاراح أسمع لو شكيت
ياما سهرت أنا من جرحك و وردي ذبل و أنت مادريت
ليه أسأل اليوم عـن دمعك وليه أحن وأنت مايوم حنيت
على بالك حبي لعبـه بيدك تلعب فيها و تتركها ان مليت
أصلاً حبي كبير ومـو قدك أنت عمرك بالحب ماحسيت
قلي ايش الفايده مـن حبك وأنا غير الاهانه أبد مالقيت
قلي ليه أسهر أنا من صدك وأنا اللي مـا عمري صديت
قلي ليه تسقيـني من هجرك وأنا من قربك والله ماتهنيت
قلي وينك وين دفـا صدرك هذا وأنت غيري أبد ماحبيت
اشلون لو فيه غيـري بقلبك كنت على روحـي قضيت
أنا اليوم مابي شي غير بُعدك لأني من جرحك أنا صحيت
و
صعب أحب أحـد بَعدك يكفي أنا من جرحك انتهيت
ياما سقيتك حـب ودلعتك ودايم أنصحك و تقول نسيت
ماعمري في يوم أبد ظلمتك وأنا من ظلمك ياما ارتويت
خليني أروح وأبـعـد عنك مايحتاج نتفاهم لأني اكتفيت
المشاركات
ليست هناك تعليقات
شكرا لمشاركتك معنا